Share Issue Expenses

. Share issue expenses is revenue expenses and cannot be disallowed as capital expenses.

============================

आयकर ऐन, २०५८ अनुसार शेयर निष्कासन खर्चलाई पुँजीगत प्रकृतिको खर्च मान्न सकिने देखिदैन। कानूनमा स्पष्ट उल्लेख नभएका विषयमा अनुमानका आधारमा खर्च कट्टी अमान्य गर्नु न्यायसंगत हुदैन। शेयर निष्कासन गर्न तथा सो सम्बन्धी अन्य जिम्मेवारी निर्वाह गर्न कानून बमोजिम शेयर रजिष्ट्रार नियुक्त गर्नुपर्ने भएकोले उक्त खर्च व्यवसायको प्रकृति अनुसार नाफा नोक्सान हिसाबमा समावेश गरिने हुँदा पुँजीगत नभई आय आर्जन कार्यसंग सम्बन्धित खर्च मान्नु पर्ने हुन्छ भनी शेयर निष्कासन खर्चलाई अमान्य गरेको ठूला करदाता कार्यालयको निर्णय मिलेको नदेखिँदा खर्चको वास्तविकता तथा प्रमाणिकताको यकिन गरी कार्यालयबाट पुनःसंशोधित कर निर्धारण हुनुपर्ने ठहर्याई आन्तरिक राजस्व विभागका महानिर्देशकबाट मिति २०७९।०३।२७ मा निर्णय भएको देखिन आउछ। प्रस्तुत मुद्दामा करदाताले Share Issue गर्दा गरेको खर्चलाई आयकर ऐन, २०५८ को दफा १३ बमोजिमको व्यवसायको कारोबारसंग सम्बन्धित खर्च नभएको र उक्त खर्च पूँजीगत सम्पतिको लागि गरिएको खर्च भएकोले सोही ऐनको दफा २१ (३) बमोजिमको खर्च कट्टी गर्न नपाइने भएकोले अमान्य गर्नुपर्ने भनी ठूला करदाता कार्यालयले रु.४,८४,४३५।३७ अमान्य गरेकोमा आन्तरिक राजस्व विभागका महानिर्देशकले प्रशासकीय पुनरावलोकनको क्रममा मिति २०७७/१२/२२ मा गरेको निर्णयमा बैंकले पूँजी वृद्धिको लागि शेयर जारी गर्दा भएको खर्चलाई कार्य सञ्चालन खर्च मान्न मिल्ने देखिएन भनी शुरु निर्णयलाई नै सदर गरेको पाईयो। यसरी करदाताले पूँजी वृद्विको लागि शेयर जारी गर्दा भएको खर्च आयकर ऐन, २०५८ को दफा १३ बमोजिम आय आर्जनसंग सम्बन्धित खर्च हो वा होईन, त्यस्तो खर्च कट्टी गर्न पाउने हो होईन भन्ने सम्बन्धमा आन्तरिक राजस्व विभागका महानिर्देशकले करदाताहरु बीच फरक-फरक र असमान दृष्टिकोण राखी गरेको निर्णयलाई न्यायोचित मान्न मिलेन। त्यसैले प्रस्तुत मुद्दामा आन्तरिक राजस्व विभागका महानिर्देशकबाट मिति २०७७/१२/२२ मा भएको निर्णय समेत बदर गर्नुपर्ने देखियो। अब करदाताबाट हकप्रद शेयर जारी गर्दा भएको शेयर निष्कासन खर्च पुँजीगत खर्च हो वा होइन स्पष्ट विवेचना गरी त्यस्तो खर्च आयकर ऐन, २०५८ को दफा १३ बमोजिम खर्च कट्टी गर्न पाउने नपाउने के हो भन्ने सम्बन्धमा पुनःनिर्णय गर्नुपर्ने देखिएकोले सो प्रश्नको निरुपणको लागि प्रस्तुत मुद्दाको मिसिल ठुला करदाता कार्यालयमा पठाउन उपयुक्त हुने देखिन आयो।

======================================

Opinion: There is confusion regarding treatment of Share issue expenses शेयर निष्कासन खर्च. This decision dispels any doubt raised about it being in the nature of capital expenses. It is revenue expenditure and the Hon’ble Justice has rightly decided the case in favor of tax payer.